National ID dili gihapon dawaton sa ubang mga bangko

CEBU, Philippines —  Nabantayan nga aduna gihapo'y mga bangko nga dili modawat og national ID sa nagkadaiyang transaksiyon.

Ug gumikan niini niduso og resolusyon si Cebu City Councilor Rey Gealon nga nag-awhag sa  Bangko Sentral ng Pilipinas sa pagpasidaan sa mga bangko nga dawaton ang usa ka  government-issued ID sa mga transaksiyon ug usa na niini ang PhillD o ang national ID.

"Under Section 13 or Republic Act No. 11055, otherwise known as the Philippine Identification System Act, provides that the PhillD shall be honored and accepted, subject to authentication, in all transactions requiring proof of verification of citizens or resident aliens' identity in the opening of bank accounts and other transactions with banks and other financial institutions", matud ni Gealon.

Bisan nga klaro na kaayo ang nalatid sa balaod sa pagdawat national ID sa bisan unsa nga transaksiyon aduna gihapo'y mga bangko ang wala mosunod sa lagda.

Si Gealon nagkanayon nga dili angayan nga lisud-lisoron ang katawhan ug hatagan og importansya ang pagkabilinhon sa national ID. "It is necessary for BSP to remind banks to honor one (1) government-issued ID for its transactions, especially the PhillD”, dugang ni Gealon. — BDB (BANATNEWS)