TCC mahimo na nga makadugang og duha ka kurso
CEBU, Philippines — Mahimo na nga makapuno og dugang duha ka kurso ang Talisay City College (TCC) karong tuiga.
Kini human ang upat nila ka kasamtangan nga kurso nahatagan og certificate of compliance gikan sa Commission on Higher Education (CHED)-7.
Si Dr. Richel Bacaltos, presidente sa TCC nagkanayon nga niadtong buwan sa Abril niining tuiga nila nadawat ang institutional recognition.
Ang mga kurso nga naka-comply mao ang Bachelor of Elementary Education (BEED), Bachelor of Secondary Education (BSED), Bachelor of Science Hospitality Management (BSHM) ug Bachelor of Science in Industrial Technology Major in Electronic Technology ug Computer Technology.
Matud ni Bacaltos nga posibleng ang duha ka kurso nga ilahang buksan mao ang Political Science ug Business Entrepreneurship.
Gawas niini, ang 250 ka tinun-an sa TCC nakadawat sa Tertiary Education Subsidy nga mokantidad og P20mil ka pesos matag semester.
Samtang laing P25 milyones ang nadawat gikan sa Unified Financial Assistance System For Tertiary Education (UNIFAST) sa CHED alang sa 5 mil nila ka tinun-an. (/BDB) (BANAT NEWS)
- Latest
