P3 milyong shabu, mga armas ug wanted person nahipos sa SACLEO
CEBU, Philippines — Padayon ang paghingusog sa Cebu City Police Office(CCPO) sa ilang operasyon batok sa tanang matang sa kreminilidad aron magpabilin ang kahapsay ug kalinaw sa dakbayan sa Sugbo.
Gani sa usa ka adlaw nila nga Simultaneous Anti-Criminality Law Enforcement Operation(SACLEO) sa miaging adlaw nakapahigayon sila og 32 ka anti-illegal drug operations nga miresulta sa pagdakop sa 35 ka personalidad diin upat niini High Value Individual ug 31 ang Street Level Individual.
Nakompiskar sab sa kapulisan sa dakbayan sa Sugbo og 392.39 grams sa shabu nga mobalor og P2.2 million. Sa ilang kampanya sab batok illegal gambling ang CCPO nakahimo og 47 ka operations ug nakasikop og 73 ka tawo ug P5,618 bet money ang nakompiskar sa kapuilisan.
Mahitungod sa kampanya batok loose firearms si Col. Dalogdog miingon nga nakahimo sila og siyam ka operations ug siyam ka tawo ang nadakpan ug siyam ka armas ang nakuha.
Sa paggukod sa mga pinangita sa balaod nakahimo ang CCPO og 95 ka manhunt operations nga miresulta sa pagkasikop sa pito ka most wanted person diin lima niini provincial level ug duha ang municipal level ug 12 other wanted persons.
“Sa pagkakaron daghan gihapon ta og nahuli sa drugs kay sa one day lang nga operation nikabat og 392.39 grams ang naconfiscate sa atong mga PNP personnel nga nag-conduct og anti-illegal drugs operations,” matud ni Col. Dalogdog.
Sa operasyon sab sa kapolisan sa Lapu-Lapu City Police Office (LCPO) mokabat sa P889,.000 nga gidudahang shabu gikan sa 30 ka mga drug pushers ang ilang nasakmit sa usa ka adlaw nga Simultaneous Anti Criminality Law Enforcement Operation (SACLEO) sa samang adlaw.
Ang maong mga dinakpan pasakaan og kaso nga kalapasan sa Republic Act 9165 o Comprehensive Dangerous Drug Act of 2002.
Unom sab ka ka mga sugarol ang nadakpan, 11 ka most wanted persons.
Si LIm miingon nga nagmalampusopn ang ilang operasyon sa kapolisan tungod usab sa suporta sa mga molupyo nga mga Oponganon.— Romeo Limpangog, IBM (BANATNEWS)
- Latest