20-anyos nadakpan sa buybust operation

CEBU, Philippines —  Nadakpan ang 20-anyos nga lalake sa buy-bust operation sa Philippine Drug Enforcement Agency (PDEA)-7 sa Barangay Pulangbato, siyudad sa Sugbo alas- 5 Huwebes sa hapon.

Giila ang dinakpan nga si Daniel Sabanpan, samtang kauban niini nakaikyas.  Nakompiskar sa mga operatiba ang 12 ka pakite sa gituohang shabu motimbang og 50 gramos ug nagkantidad og dul-an P400 mil.

Ang PDEA-7 nakadawat og impormasyon labot sa illegal nga kalihukan sa dinakpan hinungdan gipaubos nila kini sa usa ka semana nga surveillance.

Nahibaw-an nga maka-dispose ang dinakpan og 500 grams sa shabu kada semana.

Si Sabanpan gikatakda nga pasakaan og kasong kalapasan sa Section 5 ug 11 Article II sa Republic Act 9165.— IBM (BANATNEWS)