Hapon patay sa firing range
CEBU, Philippines — Patay ang usa ka Hapon sa sud sa firing range diha sa North Reclamation Area sa Barangay Mabolo, sa Dakbayan sa Sugbu niadtong Miyerkules sa hapon.
Ang kapolisan sa Mabolo Police Station 4 sa Cebu City Police Office (CCPO) nipalawom karon sa ilang imbestigasyon mahitungod sa nahitabo kang DAigo Kokubo, 50, taga Hokkaido, Japan nga nagpuyo karon sa Barangay Banilad, Cebu City.
Matud pa ni Police Major Eraño Regidor, hepe sa Mabolo Police Station basis a ilang imbestigasyon ug sa pamahayag ni range marshal Angelie Sonet Villacorta miabot sa Kokubo sa Range Ammo-Nation Philippines diha sa Soriano Avenue, North Reclamation Area.
Gikatahong mihangyo kini nga tugotan nga maka-praktis sa pagpusil. Matud pa gi-assist sab nila kini diha sa firing range. Gikatahong mi-request kini nga suwayan og gamit ang Tauros Tracker nga pistola nga dunay 20 ka bala.
Si Villacorta mitug-an sa mga polis nga ilang gi- brief si Kokubo bahin sa gun safety procedures ug pagkahuman niini nagsugod na kini sa pagpabuto. Sa una, nipabuto kini kausa, dayon gisundan og unom pa gyud ka buto. Matud pa nga kada hunong niini og pabuto, mangutana kini kun pila pay nahibiling bala. Sa kataposang round gisultihan ni Villacorta ang Hapon nga duna nalay bala sa magazine niini, nagpabuto pa kausa si Kokubo apan sa katapusang bala, gikatahong gitutok kini niini sa iyang nawong ug gikablit.
“Sige pangutana (Japanese national) og pila nalang nahibilin. Possible nga naghikog ug accidental, so ingon ana ang nahitabo. Mao na naa man silay CCTV amo gipa-review pero ang range officer under investigation pa nato,” matud pang Regidor. –The Freeman
- Latest