Vendors sa Cebu City gibansay sa pagpangandam sa kalamidad

CEBU, Philippines — Gibansay-bansay ang pipila ka vendors sa Dakbayan sa Sugbo aron mahimo kini nga andam kanunay kon adunay mga kalamidad.

Ang Cebu City Disaster Risk Reduction and Management Office (CCDRMMO) ug Cebu City Emergency Medical Service (CCEMS) ang nipasiugda sa pagpaubos sa vendors sa disaster preparedness training sa niaging adlaw diha sa Carbon Market.

“This activity serves awareness to all vendors at market vicinity on how to responds and react when disaster overseen”, tipik sa social media post sa CCEMS.

Base sa taho sa CCDRMNO gibansay  ang vendors  sa basic firefighting  ilabi na usab sa hustong pagamit sa  fire extinguisher.

Naandan na sa kagamhanan ang pagpaubos og training sa mga inbidwal gani sila  maoy nagsugod kaniadto sa pag-umol og  Barangay Base Responders.

Sayo pa, gipadayag sa CCDRMMO nga dako og tabang ang maong programa diin makabaton sila og dugang pa nga kaalam sa ubang pamaagi ang nagkadaiyang sektor.

Pinaagi usab sa maong training mapalapdan ang ilang kaalam sa pagahimuon nga operasyon kon adunay mga katalagman sa ilang dapit.

Tumong sa maong programa nga mas modaghan pa ang grupo nga maoy dali nga maka-rescue panahon sa emerhensiya.

Nasayran nga ang barangay maoy unang dangpanan sa katawhan. (BANATNEWS)