Rama magpatabang sa mga kanhi konsehal nga sakop sa BOPK
CEBU, Philippines — Gibutyag sa usa mga miyembro sa Bando Osmeña Pundok Kauswagan nga si kanhi konsehal sa Dakbayan sa Sugbo Alvin Dizon nga makatabang ra gyud siya sa mga programa sa kagamhanan sa Siyudad sa Sugbo ubos sa iyang pribadong kapasidad .
Nasayran nga gi-tap si Dizon ni Mayor Michael Rama aron motabang sa mga programa sa Dakbayan nga dunay kalabotan sa food security.
Si Dizon maoy usa sa gipatabang ni Rama gumikan sa mga nabuhat niini sa konseho kaniadto nga nag-umol og mga lakang nga dunay kalabotan sa food security.
Gawas kang Dizon, modangop usab si Rama sa laing miyembro sa BOPK nga si kanhi Konsehal Lea Japson alang sa ant mendicancy program sa Dakbayan.
“I can help the city government in a private capacity. After serving the city as councilor for nine years, I’m now working in the private and NGO sector on programs related to the environment, marine conservation and sustainable development, “ saysay pa ni Dizon sa interview niini sa Banat News.
Si Dizon mao ang author sa Food Bank Ordinance nga nga napasar sa konseho niadtong Agosto 2020 isip usa sa mga pagpalig-on sa food security panahon sa pandemya.
Sa katapusang bahin sa 2020, siya ang nagpaluyo sa ordinansa alang sa pag-obligar sa kabaranggayan nga himoong food garden ang mga bakante nila nga luna.
Gikatahong importante kaayo ang tinguha niini aron mamintinar ang food security.
Unod sa maong ordinansa ,aron masuta ang mahimong target sa urban gardening sa kabaranggayan, gitahasan ang Division for the Welfare of the Urban Poor (DWUP) nga mohimo og imbentaryo sa mga bakanteng luna sa siyudad.
Samtang gidasig usab ang mga tagdumala og subdivision nga mohimo usab sa maong klase nga programa.
Base usa sa maong ordinansa , dili mahimong mo-ban og gardening ang mga subdivision ngadto sa ilang homeowners,basta dili lang gyud kini makahatag og kahasol sa kasilinganan. (BANATNEWS)
- Latest