CEBU, Philippines —Andam ang Cebu Police Provincial Office (CPPO) alang sa umaabot nga pag-obserbar sa Semana Santa gikan sa Abril 6 hangtod sa petsa 10 ning tuiga kini sigon pa ni Police Lt. Col. Mark Gifter Sucalit, Deputy Provincial Director for Operations sa CPPO.
Sigon ni Sucalit nakaandam na ang ilahang security plans diin kadtong mga munisipalidad nga dunay mga dagkong kalihukan sama sa Sugat Kabanhawan sa Lungsod sa Minglanilla ingon man ang terminal ug pantalan paingon sa Isla sa Bantayan nga gipanglantawan daghang tawo ang moadto aron didto mag-obserbar sa Holy Week bantayan og personnel sa personnel sa Special Weapons and Tactic (SWAT).
Gipahibawo sab ni Sucalit nga ang PNP personnel sa Provincial Headquarters ipakatap sab sanglit naka-full alert sila sa maong kalihukan.
“Aside sa preparation yung security plan nandoon na, yung mga tao na i-detail nandoon na din,” sigon ni Sucalit.
Dugang ni Sucalit nga mihatag na sab sila og direktiba sa 50 ka mga police stations sa Probinsiya sa Sugbo nga mag-provide og PNP personnel sa mga simbahan ug i-maximize ang police visibility sa mga lugar nga dugukan og daghang tawo.
Sa katapusang semana sa buwan sa Marso maghinay-hinay na sila og deploy sa ilang mga tawo ug sa Abril 2 ug 3, adlaw’ng Sabado ug Domingo ang kapulisan sa Probinsiya sa Sugbo naka-deploy na gyud.
“Yung iba baka mag leave nagplano mobiyahe so meaning yung mga terminals nato pati mga ports naa na mga tao,” asoy ni Sucalit.
Tinguha sa Cebu Police Provincial Office(CPPO) nga hapsay ug malinawon nga ma-obserbar ang Seman Santa. (BANAT NEWS)