Mga sakop sa CCPO nagpreparar kun dunay katalagman

CEBU, Philippines —  Gipaubos sa disaster preparedness training ang kapulisan sa Cebu City Police Office (CCPO) sa mga sakop sa Cebu City Disaster Risk Reduction and Management Office (CCDRRMO).

Sigon ni Police Lt. Col. Albert Quilitorio, hepe sa Police Community Relations sa Cebu City Police Office nga quarterly ang pagpahigayon nila niini aron gyud maandam ang kapulisan sa dakbayan kun dunay mga katalagman nga motumaw.

Dugang ni Quilitorio nga kun pananglitan duna may mga kalamidad nga motumaw magamit gyud ang kapulisan sa CCPO ilabi na sa pagtabang sa mga nagkinahanglan.

Sa maong disaster preparedness gitan-aw sab nila kung updated ug unsa pay kulang nga mga kahimanan sa Cebu City Police Office mahitungod sa disaster response.

Kun kuwang man gani sa kahinanan makahangyo ang CCPO Lokal nga Kagamhanan sa siyudad sa Sugbo nga hatagan sila ilabi na ang kapulisan panahon sa katalagman mao gyuy unang ipadala.

“Naay ubang mga kinahanglan nato nga equipment mao na atong i-gather unsay kulang tapos i-request nato pero most naman ang mga basic nga mga equipment naa namn nuon pero naay uban sophisticated nga equipment mao toy atonng i-request sa LGU,”, sigon Quilitorio.

Si Quilitorio miasoy nga andam ang mga polis pagresponde kun dunay mga kalamidad tungod gipaubos na sila sa duha ka semana nga search and rescue training ug gi-refresh nila kini quarterly aron dili malimtan.

Sa matag Police Stations dunay unom ka police personnel ang gibansay alang sa search and rescue training. (BANAT NEWS)