CEBU, Philippines — Si Senador Risa Hontiveros malaumon nga ang pag-isyu og warrant of arrest sa International Criminal Court (ICC) batok sa presidente sa Russia nga si Vladimir Putin magsilbing “fair warning” sa tanang mga tawong padayong nagdumili paghatag og hustisya sa mga biktima sa dugoong war on drugs sa panahon ni kanhi presidente Rodrigo Duterte.
Niadtong adlaw nga Biyernes, ang ICC mipahibalo nga gipagawas na nila ang arrest warrant batok ni Putin tungod sa matud pa ilegal niining deportasyon sa 16 mil ka mga batang Ukranianians ngadto sa Russia sukad niadtong gisulong niini ang maong nasud niadtong Pebrero 2022.
Ang gibuhat ni Putin gihulagway kini sa ICC nga war crime.Ang Commission on Human Rights mipadayag nga andam kining motabang sa administrasyong Marcos kun kini mokooperar sa ICC bahin sa gihimo niining imbestigasyon sa drug war ni Duterte.
Apan ning bag-o lang, si Presidente Ferdinand Marcos Jr. mihulagway sa imbestigasyon sa ICC kang Duterte nga hulga sa soberiniya sa nasud.
Ug ang ICC wala nay hurisdiksyon sa Pilipinas tungod kay mi-withdraw na ang nasud gikan sa Rome Statute sa panahon ni Duterte.
Si Duterte giimbestigar sa ICC tungod sa matud pa “crimes against humanity” tungod sa matud pa brutal nga kampanya kontra drug suspects sa panahon nga siya pay presidente sa Pilipinas nga giingong mitamak sa tawhanong katungod.
Basi sa talaan sa gobiyerno, giingong moabot 6 mil ka tawo ang nangamatay sa war on drugs ni Duterte. Apan ang mga rights groups miingon nga ang tinud-anay sa gidaghanon nga gipamatay moabot og 30 mil, ang uban niini inosente ug ang uban gi-salvage.v “The arrest warrant for President Putin is a strong message to the global community that the world will not idly watch while war crimes, genocide and crimes against humanity are being committed within territories of individual countries,” matud pang Hontiveros kagahapon. “I can only hope that there is something to be learned from this. To those who continue to deny justice to victims of State-sponsored abuses, including the excesses of a failed Drug War, consider this fair warning. ‘The arc of the moral universe is long, but it bends towards justice,” dugang pa niya.
Ang ICC miingon nga bisan pa og pormal ng mi-withdraw niadtong Marso 2019, ang nahitabong pagpatay atol sa drug war sa dihang nagsugod paglingkod si Duterte sa pwesto (tuig 2016), mao nga duna pa gihapoy hurisdiksyon ang ICC niini sanglit anang mga panahona, miyembro pa sa korte ang Pilipinas.—Gikan sa Philstar.com/IBM