Organic hog raising pakusgan sa Kapitolyo
CEBU, Philippines — Naglaraw si Gobernador Gwendolyn Garcia nga mo “shift” ang probinsya ngadto sa organic hog raising.
Matud sa gobernador, ang Sugbo sikat sa lami nga lechon sama diha sa siyuad sa Carcar ug sa Talisay apan ang mga baboy gikan sa Negros tungod nindot mga kalidad sa karne gikan didto kay kini gipaagi man og organic hog raising.
Plano ni Garcia nga ilambigit niini ang mga barangay ngadto sa Purok nga i-tie up sa kasamtangang programa sa Kapitolyo ang Sugbusog program.
“Adto na mopalit ang mga farmers ngadto sa atong mga puroks. Mas barato sad ni. Patun-an na nako run unsay length of time nga maggasto, magpalit ka’g feeds gyud pila puy cost ug unya pila pud imong kita. Patun-an sad nako length of time nga kaning organic feeds atong ihatag, definitely mas mubo ug pila say kita,” matud ni Garcia.
Usa kini sa paagi sa gobernador aron makatabang sa mga namuhi ug nag negosyo og baboy sa Probinsya taliwala sa hulga African Swine Fever (ASF).
Ning bag-ohay lang, nasudlan ang lalawigan og ASF sa dihang dunay na-detect gikan sa blood sample sa baboy nga giihaw sa ihawan sa siyudad sa Carcar.
Tungod niini, nilusad og kampanya ang lalawigan lakip na ang Department of Agriculture pagpakgang sa pagkatap sa maong sakit, naglakip niini ang pag-ban sa mga baboy ug karne niini gikan sa maong siyudad nga nakaapektar sa mga negosyante niini.
Ang Sugbu adunay P11 bilyones nga industriya sa pagpamuhi og baboy. — /IBM (BANAT NEWS)
- Latest
