Bullying sa Badian NHS gipaimbestigar sa DepEd-7
CEBU, Philippines — Gimandoan na ni Dr. Salustiano Jimenez, regional director sa DepEd-7 ang School Division Office sa Cebu Province paghimo og imbestigasyon bahin sa matud pa 12-anyos nga tinun-an sa Badian National High School ang namatay tungod sa bullying.
Kung mahinumduman, ang ginikanan sa maong tinun-an nidangop sa NBI-7 aron matabangan masusi ang kamatayon sa maong bata.
Sumala pa ni Jimenez, magpaabot siya nga iduso nga incident report sa iyang buhatan may kalabutan sa maong insidente.
Giangkon sa direktor nga nasubo siya sa maong report ug nipaabot sa iyang pahasubo ngadto sa pamilya sa batang namatay ug usa siya nagtinguha nga mahatagan og hustisya ang kamatayon niini.
Buot masusi ni Jimenez kun diin nagkulang ang tunghaan. Si Jimenez nitug-an aduna silay mga child policy nga prayoridad ang proteksyon sa mga tinun-an batok sa tanang matang sa pagabuso apil niini ang bullying.— /IBM (BANAT NEWS)
- Latest
