NFA pabalhinon sa Kapitolyo diha sa Sudlon
CEBU, Philippines — Gitanyagan sa Probinsiya sa Sugbo ang National Food Authority (NFA) og bag-ong kabalhinan nga luna ug opisina gikan sa luna nga giukopahan niini diha sa Governor M. Cuenco Avenue sa Dakbayan sa Sugbo.
Ang karaan nga pasilidad sa NFA anaa mahimotang sa 5,000 metro kwadrado nga highly commercialized nga property nga gipanag-iya sa Probinsiya sa Sugbo.
Ang maong luna nga duol sa Cebu IT Park plano sa Kapitolyo nga i-develop aron makaangkon kini og dugang kita ang Probinsiya sa Sugbo.
Atol sa tigom ni Garcia tali sa regional director sa NFA Maria Fe Evasco nagkanayon nga ang gobernadora nga kon mosugot ang NFA ang Kapitolyo maoy mopundo sa pagpatukod og bag-ong pasilidad sa NFA sa kabalhinan niini diha sa Sitio Sudlon, Barangay Lahug o diha sa Department of Agriculture compound sa dalan M. Velez.
Base sa taho sa Capitol Information Office, si Evasco nagkanayon nga bisan og wala pa niya mapadangat ang hangyo sa Kapitolyo ngadto sa ilang ulohang buhatan sa Manila tan-awon niya usa kini nga “win-win” solution sa duha ka habig.
Matud ni Evasco nga ang ilang karaang pasilidad diha sa dalan Gov. M Cuenco dili na “ideal” tungod kay huot ang trapiko sa maong dapit hilabina kon maghakot sila og mga bugas gikan sa pantalan gamit ang ilang mga 10-wheeler trucks.
Si Garcia nisaad nga dili mababagan ang operasyon sa NFA sa ilang plano tungod kay mobalhin ra ang ahensiya kon makompleto o nahuman na ang relocation facility niini. (BANATNEWS)
- Latest
