Pagpamakuna batok COVID-19 nagpadayon sa Talisay
CEBU, Philippines — Nagpadayon gihapon ang pagpamakuna batok COVID-19 sa Dakbayan sa Talisay apan ang ilang pagpamakuna wala na diha sa mga mall ug sa gym sa Barangay Lagtang.
Nasayran nga ang pagpamakuna anha na kini sa Rural Health Unit.
Matud ni Bise Mayor Richard Francis “Choy” Aznar nga taas na ang percentage sa mga Talisaynon nga nakakuha na sa bakuna batok COVID-19 apan padayon ra gihapon sila sa pagbakuna.
Si Aznar nagkanayon nga anaa gihapon ang grupo nila ni Dr. Lino Alanzado, pangulo sa City Health Office nga moatiman sa mga magpabakuna.
Anaa usab ang matag semana nga Aksyon Agad sa Barangay nga programa ni Mayor Gerald Anthony “Samsam” Gullas, Jr. nga moatiman usab sa magpabakuna.
Matud usab ni Aznar nga nag-schedule na siya alang sa panagtigom sa mga doktor sa siyudad sa ilang pagahimuon pa nga mga programa kalabot sa panglawas sa mga Talisaynon. (BANATNEWS)
- Latest
