Nipatay sa amahan ug miangol sa mga kabanay gidakop

CEBU, Philippines — Usa ka 21- anyos nga lalaki ang gidakop sa kapolisan tungod matud pa iyang gipatay ang kaugalingong amahan ug miangol sab sa iyang mga kabanay diha sa Barangay Talima sa Isla sa Olango sa Dakbayan sa Lapu-Lapu.

Ang gidakop mao si Kharl Filkevin Tongco, residente sa Sitio Libertad sa Barangay Tinago, Olango Island.

Matud pang Police Major Felix Cleopas, hepe sa  Olango Police Station ang suspek gidakop pinasikad sa warrant of arrest gikan ni Ruelo Saladaga, the presiding judge sa Regional Trial Court (RTC) Branch 69 sa Lapu-Lapu City.

Matud pang Cleopas ang mga paryente ra sa suspek maoy nipasaka sa maong kaso.

Base sa inisyal nga report nahitabo ang krimen niadtong Disyembre 26,2022 diha sa Sitio Crossing sa Barangay Talima. Ang kapolisan wala pay dugang impormasyon nga gihatag bahin sa maong hitabo.

Si Cleopas miingon nga hugtanong gihimakak sa suspek ang akusasyon diha kaniya. Gani gikatahong na-shock ang suspek paghatud sa mga polis sa maong warrant of arrest.  Apan si Cleopas miingon nga si Tongco usa sa most wanted persons sa provincial level. —The Freeman