2 sikop sa operasyon sa kapolisan sa dakbayan sa Mandaue

CEBU, Philippines — Sikop ang duha ka lalaki sa gipahigayon nga operation sa Centro Police Station sa dakbayan sa Mandaue, niadtong Sabado sa gabii diha sa sitio Pulang-Bukid, Barangay Alang-alang sa maong siyudad.

Ang nasikop naila nga sila si Alcio Cacanog ug Kier Louis Brigol, 20anyos, residente sa purok carrots, barangay Catarman lungsod sa Liloan.

Nangulo sa maong operation mao si Captain Jessie Tañola, Deputy Station Commander uban sa mga sakop niini ubos sa direct supervision sa Hepe nga si Police Major Erwin Abrasado.

Nasakmit gikan sa maong mga dinakpan ang 105 gramos nga mobalor ug P 700mil ug buy-bust money.

Ang mga dinakpan giingong makadispatsar ug 100 ngadto sa 200 gramos matag semana diin ang area niini naglangkob sa Consolacion, Liloan ug Dakbayan sa Mandaue.

Gibalhug na sa bilangguan ang mga dinakpan ug gipaabot ang pagpasang-at ug tukma nga kaso batok kanila. (BANAT NEWS)