Rama: Mga empleyado dili magligoy-ligoy sa trabaho

CEBU, Philippines — Si Cebu City Mayor Michael Rama subling nipahinumdum sa mga kawni sa city hall nga barugan nila an gilang paghatag og sakto nga serbisyo sa publiko kini subay sa ilang mga gipanumpaan.

Ang maong pahinumduma gipadayag ni Rama kagahapon atol sa flag raising ceremony kagahapon sa buntag diha sa Plaza Sugbo.

Giawhag ni Rama ang mga trabahante nga seryosohon ang ilang gihimo nga trabaho diha sa city hall ug dili apilan og mga binuang.

Matud ni Rama nga kinahanglang likayan sa mga trabahante ang pagsige og gamit sa ilang mga cellphone, mag-usik-usik sa ilang oras, kusog mangayo ug overtime ug magsige lang ug ligoy-ligoy.

Ug angayan nga ang mga trabahante mo fucos sa ilang mga trabaho aron dili masayang ang kwarta sa gobiyerno nga gisweldo ngadto kanila.

Gipahibalo ni Rama nga atol sa pagpahigayon sa ika-86th nga charter day sa siyudad mahatag usab ang bonus ngadto sa mga empleyado aron aduna sila’y mahatag usab ngadto sa ilang pamilya.

Gipalihok na ni Rama ang mga angay nga buhaton aron mapagawas ang pagpanghatag sa bonus ngadto sa mga trabahante.

Dugan ni Rama nga iyahang ihatag ang bonus sa tanan mga empleyado sa city hall.

Sayo pa, si Rama nibutyag nga P50 mil ang ihatag nga bonus ngadto sa mga regular ug casual nga trabahante ug pangitaan nila kini og pundo. (BANATNEWS)