Suspek sa pagpatay dili na sakop sa Grab
CEBU, Philippines — Kompanya sa Grab mipagawas og pamahayag nga dili na ilahang sakop ang lalaking mipatay sa managinahan ug miangol sa pag-umangkon niini diha sa Talisay City sa miaging Miyerkules sa gabii.
Sa gipagawas nga pamahayag sa Grab, kini miklaro nga si Rogelio Fernandez, Jr., suspek sa pagpatay sa bilas nga si Hilda ug anak niining si Gilbert Fernandez, dili na nila sakop sukad pa niadtong Disyembre 2021.
Si Fernandez kinsa usa ka magtutudlo kaniadto sa kolehiyo sumala pa sa kapolisan usa na karon ka Grab driver.
“Grab places utmost importance on safety as we offer reliable and convenient services to many Filipinos - this is a value shared by our partners everywhere,” matud pa sa pamahayag sa kompanya.
Sa pikas bahin, giawhag niini ang mga kustomer nga kun duna silay problema sa ilang serbisyo mahimo nila kini isang-at sa ilang Help Center aron masulbad.—IBM (BANAT NEWS)
- Latest
