Garcia: Mga medical supply batok COVID-19 nanghinobra
CEBU, Philippines — Gibutyag ni Gobernador Gwendolyn Garcia nga naghinobra ang medical supplies nga gigamit batok sa COVID-19 ngadto sa mga provincial ug district hospitals sa Probinsiya sa Sugbo.
Matud ni Garcia nga nahimo kining problema sa chief of hospital tungod kay walay kabutangan sa maong supplies.
Ang gipasabot ni Garcia mao ang mga mask, personal protective equipment (PPE), Intravenous (IV) fluids ug uban pa nga supplies.
“All of our hospitals, in fact si Dr. Giango (Dr. Christina Giang, kani hepe sa Provincial Health Office) pa to, at that point who had not yet retired she was already alerting me nga our chief of hospitals are already complaining they have no room anymore these PPEs , masks, naa pa gani toy face shields gani”, padayag ni Garcia.
Si Garcia nagkanayon nga atol sa unang pagbisita sa evaluation team sa Kapitolyo pag-assess sa upat ka provincial ug 12 ka district hospitals sa Sugbo mao na kini ang kasagaran nga obserbasyon.
Ang uban nga mga kahon nga gisudlan niini anaa sa hallways sa hospital, ang ubang PPEs gihimo na nga cover sa matres o higdaanan sa hospital.
Ang maong supplies gi-download sa Department of Health ngadto sa mga provincial ug district hospitals.
“So now you understand why there is the vehement to keep on insisting that we wear masks. Sige na lang nang mask dili man na mo expire, unless maabtan na og pila ka tuig. Fluids naa man gud nay expiration date. I tremble to think pila na ana ang na-expire nga vaccines o pila na kahay nang-expire nga RT-PCR test”, padayag ni Garcia.
Si Garcia nagkanayon nga pipila sa supplies ang napangitaan na og storage rooms o kabutangan diha sa sulod sa hospital.
Dugang ni Garcia nga angayang mohatag og katin-awan ang DOH sa naghinobra nga medical supplies. (BANATNEWS)
- Latest
