2 ka taytayan gibantayan na sa kapolisan
CEBU, Philippines — Gilakip na sa pagpatrolya sa kapolisan sa Lapu-Lapu City Police Office ,(LCPO) ang Marcelo Fernan Bridge ug First Mactan Mandaue Bridge alang sa pagpakgang sa mga tawo nga nagtinguha sa paghikog pinaagi sa pag-ambak sa taytayan.
Suma pa ni Police Colonel Elmer Lim, director sa kapolisan sa LCPO nga ang pagpatrolya ilang gihimo nonot sa tinguha usab nga kapugngan ang mga dautang elemento nga mohimo og krimen sa siyudad.
Dugang pa ni Lim nga ilang gihingusgan sa pagpatuman ang police visibility nga maoy hinungdan nga adunay mga polis nga masigpatan nga naglakaw sa dalan ug ang ubang polis magsakay og patrol car ingon man motorsiklo.
Lakip sa suroyon sa mga urban patrollers ang mga hilit nga lugar sa dakbayan adlaw ug gabii. Himoon usab sa maong urban patrollers ang mga checkpoints. (BANATNEWS)
- Latest
