Gullas mikanselar sa klase tungod sa pag-uwan kagahapon
CEBU, Philippines — Wa morisgo sa uwan si Talisay City mayor Gerald Anthony “Samsam” Gullas ug nikanselar sa klase sa mga pampublikong tunghaan.
Si Gullas niingon nga kadlawon pa ang uwan ug siya nabalaka sa kaluwasan sa mga estudyante.
Iyang gitawagan si schools division superintendent Dr. Evangel Luminarias bahin niini ug nakadesisyon nga ilang ihatag ang desisyon sa mga principal.
Apan tungod sa padayon nga pag-uwan, nibalik og tawag ang mayor ug nipasabot nga dili nila ibutang sa risgo ang kaluwasan sa kabataan hinungdan nga sila nipakanaog og hiniusang desisyon nga kanselahon ang klase.
Sa bahin sa Talisay City College ug pribadong tunghaan magdepende na sa ilang administrador ug presidenti ang pag desisyon sa pagkanselar sa klase.
Nahibaw-an nga adunay pipila ka mga pribadong tunghaan nga nisunod sa kamanduan ni Gullas. (BANATNEWS)
- Latest
