New drug player nadakpan sa PDEA-7
CEBU, Philippines — Usa ka 34-anyos nga lalaking taga Barangay Guadalupe, Cebu City ang nadakpan sa mga operatiba sa Philippine Drug Enforcement Agency-7 diha sa V. Rama Avenue sa Barangay Calamba sa maong dakbayan ug nakuhaan kini og usa ka kilong gituohang shabu kagahapon sa hapon.
Ang operasyon usa kini ka joint operation nga gipangulohan sa PDEA-7 Regional Special Enforcement Team (RSET), mga sakop sa Regional Drug Enforcement Unit, Police Station 6 sa Cebu City Police Office ug mga operatiba sa Naval Forces Central. Ang suspek giila nga si Earl Binoya, kinsa giingong bag-o pang nasulod sa grupong dugay ng gi-monitor sa PDEA 7. Ang suspek gikatahong napalitan og usa ka paketeng shabu nga 25 gramos hinungdan nga gidakop kini dayon. Sa pagrekisa kaniya, nakuhaan kini og dugang 39 ka susama gihapon gidak-on nga mga pakete. Gibanabana nga mokabat og P6.8 milyones ang maong ilegal nga drugas.
Padayon pa ang PDEA sa pagsubay kun asa ang source sa suspek sa shabu. (BANATNEWS)
- Latest
