P54.9 mlyong ilegal nga drugas nasakmit sud sa usa ka semana

CEBU, Philippines — Moabot sa P54.9 million nga ilegal nga drugas ang nasakmit sa kapulisan sa Police Regional Office(PRO)-7 sa ilahang us aka semanang way puas nga kampanya batok tanang matang sa krimen gamit ang gihulagway nilang Israeli-inspired strategy.

Gikan sa Enero 23 hangtod sa petsa 29 sa samang buwan sa tuig 2023, ang mga operating units gikan sa nagkalain-laing opisina sa rehiyon nakakompiskar og 8,054.13 grams sa shabu nga nikantidad og P54.7 million ingon man 1,200 grams sa marijuana nga nibalor og P144 thousand base sa Standard Drug Price.

Sa maong 181 ka non-stop drug-bust operation nga napahigayon sa maong period miresulta kini sa pagkasikop sa 283 ka drug personalities nga nag-atubang na karon og tukmang kaso tungod sa paglapas sa Republic Act 9165 kun Comprehensive Dangerous Drugs Act of 2002.

Wa wala’y hunong nga paggukod sa illegal gambling, 337 ka sugarol ang nagtingkagol na prisuhan ug niabot sa P50,381 ang nakuha nga bet money.

Sa pamahayag ni Police Regional Office(PRO)-7 Director Brigadier General Jerry Bearis gihimug-atan niini nga ang mga badlungon sa katilingban wala’y luna sa Central Visayas.

Samtang pinaagi sab sa paggamit sa science-based technology sa paggukod sa mga kriminal ang Bisdak Cops nakadakop og 31 ka most wanted persons ug 278 other wanted persons.

Nakakompiskar sab ang PRO-7 og 139 unlicensed firearms ug pito ka explosives gikan sa 27 ka indibidwal nga naaresto.

Gidayeg ni Bearis ang mga sakop tungod sa maong us aka semanang malampusong operasyon.

Gitanggong karon sulod sa Lapu-Lapu  City Police Office (LCPO) ang usa ka Badjao nga babaye nga nadakpan tungod sa pagpamaligya og shabu atol sa buybust operation diha sa Barangay Pusok sa maong dakbayan.

Ang mga sakop sa Presinto 5 pinangulohan ni Police Captain Henry Estoy miila sa ilang nadakpan nga mao si Lejena Villare, 39, taga Barangay Mambaling sa Siyudad sa Sugbo.

Matud pa ni Estoy mokabat sa  P27 mil nga kantidad sa shabu ang ilang nasakmit gikan niini.

Natigayon ang buy bust operation human sa pagtug-an sa pipila ka mga pushers nga una na nilang nadakpan, nga si Villare maoy ilang supplier og shabu.— Romeo T. Limpangog (BANATNEWS)