Naga magsaulog sa ika-25th Sinulog karon

CEBU, Philippines — Ang Dakbayan sa Naga magsaulog sa ilang ika-25th Sinulog karong adlawa diin ang prosisyon ipahigayon karong alas 6:00 sa gabii ug gumikan niini gilaoman nga maapektohan ang dagan sa trapiko.

Ang siyudad mogamit sa south bound lane alang sa prosisyon samtang ang north bound lane maoy gamiton nga two way lane alang sa mga sakyanan nga mangagi.

Ang prosisyon anha magsugod sa eskina sa dalan Rizal hangtud ngadto sa eskina Mendoza.

Subay niini, ang Dakbayan sa Talisay nangandam na usab kini sa maong kalihokan diin magbutang sila og sakop sa City of Talisay-Traffic Operation and Development Authority (CT-TODA) nga maoy magmando sa trapiko sa habig sa nahisgutang siyudad. Si Jonathan Tumulak, pangulo sa CT-TODA niawhag sa publiko nga labing maayo kong mopauli og sayo ilabi na sa mga residente sa Dakbayan sa Naga ug ubang lugar paingon ngadto sa habagatan aron dili matanggong sa kahuot sa trapiko. (/BDB) (BANAT NEWS)