Sobra sa 300,000 ka turista nibisita sa Moalboal

CEBU, Philippines — Niabot ngadto sa sobra 300,000 ka turista lokal ug langyaw ang nibisita sa Lungsod sa Moalboal sa tuig 2022.

Matud sa Kapitolyo nga 355,445 ka turista ang niadto sa usa sa mga lungsod sa Probinsiya sa Sugbo nga ilado kaayo tungod sa diving spots niini.

Sa maong gidaghanon 264, 528 ka bisita ang nisuway sa island hopping, sardine run ug turtle watching.

Adunay pagsaka sa gidaghanon sa mga bisita nga nianha sa lungsod niadtong Pebrero sa niaging tuig human gipaloagan sa Kapitolyo ang restriction sa bakunado nga mga bisita.

Niadtong bulan sa Marso nisaka sa 70 porsyento ang tourist arrivals sa lungsod ug gilaoman sa LGU nga mosaka pa ang gidaghanon sa ilang bisita nga madawat karong tuiga.

“Last year man gani nagsaka, how much more this year 2023, labi na ang atong secretary of tourism naghingusog gyud og maayo nga ang tourism sa Pilipinas dili lang sa Cebu, mo umento gyud pinaagi sa mga daghang infrastructure nga gibuhat,” matud ni Moalboal Mayor Inocentes Cabaron. (/BDB) (BANAT NEWS)