Pagdakop sa usa ka polis magsilbing para sa leksyon sa tanan- Dalogdog
CEBU, Philippines — Magsilbi nga warning sa ubang polis sa Dakbayan sa Sugbo ang pagkasikop usa ka polis nga sakop sa Mambaling Police Station 11 pinaagi sa entrapment operation niadtong miaging adlaw.
Ang maong polis gireklamo sa gidakop niini nga driver atol sa checkpoint sa Atillos Street, Barangay Mambaling tungod sa traffic violation apan gikatahong gikilkilan hinuon kini.
Si Cebu City Police Office Directot Col. Ireneo Dalogdog miingon nga dili nila i-tolerate ang ingon ani nga binuhatan.
Giklaro sab ni Dalogdog ang pagdakop ni Police Staff Sergeant Paul Dennis Traya usa kini ka joint operation sa Integrity Monitoring and Enforcement Group(IMEG) Visayas Field Unit-7, Mambaling Police Station ug ubang units sa kapulisan. Gihimug-atan sa opisyal nga dili nila itago ang maong bati nga binuhatan sa publiko n tungod ka seryuso gyud sila sa pagpatuman programa nga internal cleansing sa han-ay sa kapulisan.
“This is a strong message to our personnel sa Cebu City Police Office that we will not condone, we will not tolerate any wrong doing made by our personnel, so we are serious sa atoang internal cleansing program, there will be no whitewash or covering this kind of incident and this personnel involve in this illegal activity he will face the consequence,” matud ni Dalodog.
Gisugdan na ang imbestigasyon sa kasong administratiba ug giandam na sab ang pagpasaka og kasong kriminal batok sa maong polis ubos sa due process.
Bisan sa maong hitabo dili marelibuhan sa katungdanan ang hepe sa Mambaling Police Station 11 nga si Police Major Jonathan Bethooven Taneo sanglit nikooperar man sila sa operasyon.
Gipasabot ni Dalogdog nga marelibuhan ang hepe kung nasayod kini sa illegal nga kalihukan sa iyahang tawo apan wala siya’y gihimo. —/IBM (BANAT NEWS)
- Latest
