^

Banat Balita

4 ka teams magtinagakay sa CESAFI

Emmanuel B. Villaruel - Banat

CEBU, Philippines — Kulbahinam nga aksiyon ang seguradong masaksihan sa mga fans gumikan kay upat ka teams ang magtinagakay alang sa luna sa finals sa college division sa 2022 Cebu Schools Athletic Foundation, Inc. (CESAFI) men's basketball tournament karong adlawa sa Cebu Coliseum. 

Sa pasiunang duwa sa alas  3:30 sa hapon, ang University of Southern Philippines Foundation (USPF) Panthers mosuway og usab paglukat og ticket sa kampiyonato sa dihang ilang sangkaon ang University of Cebu (UC) Webmasters.

Susama sab ang tumong sa University of the Visayas (UV) Green Lancers sa dihang ilang harongon ang University San Jose-Recoletos (USJ-R) Jaguars sa main game sa alas-5 sa hapon.

Ang Lancers ug ang Panthers parehong dunay twice-to-beat advantage  apan ang ilang tinguha nga makasud finals temporaryong gipugngan sa ilang mga karibal.

Ang Jaguars madasigon nga mibangon human malubong og 16 puntos sa ikatulong kuwarter aron bihagon ang Lancers, 80-78 ug lugwayan pa og usa ka duwa ang ilang season.

Samtang ang Webmasters naka-angkon sab og laing kinabuhi human gipukan ang  Panthers og usa lamang ka lugas,  68-67.

Ang mga mananaog sa duha ka knockout nga duwa maoy mag-abot sa best-of-three finals sugod karong Domingo, Disyembre 12.

CESAFI

Philstar
  • Latest
Latest
Latest
abtest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with