^

Banat Balita

Kapin sa P2 milyones nga shabu nasakmit atol sa buy-bust operations sa kapolisan

Decemay P. Padilla - Banat

CEBU, Philippines — Nasikop ang 23-anyos nga lalaki nga giingong high value invidual atol sa buy-bust operation nga gipahigayon sa Regional Drug Enforcement Unit (RPDEU)-7 diha sa Barangay Punta Princesa, Siyudad sa Sugbo pasado kagahapon sa kadlawon.

Ang suspetsdo mao si Jhon Mover, 23, residente sa Barangay Duljo, Dakbayan sa Sugbo.

Nasakmit gikan sa suspetsado ang 310 gramos nga shabu nga nibalor tanan ngadto sa P2.1 milyones.

Ang suspetsado giingong nakadakpan na usab kini niadtong tuig 2021 ug niadtong buwan sa Agosto niining tuiga lang kini nakagawas gikan sa Cebu City Jail Male Dormitory.

Gipaubos sa usa ka buwan nga surveillance ang suspetsado diin nasuta nga maka-dispose kini og usa ka kilo nga shabu sa Dakbayan sa Sugbo ug sa mga silingang lugar ug giingong suholan kini og P40,000.

Samtang sa Dakbayan sa Talisay, nasikop usab ang us aka 18-anyos nga basurero kinsa giingong namaligya og shabu diha sa Barangay San Roque sa nahisgutang siyudad niadtong Miyerkules sa gabii.

Ang suspetsado mao si Chapi Parajes, nagpuyo sa nahisgutang lugar.

Si Police Lieutenant Elwood Ebona sa Drug Enforcement Unit (DEU) sa Talisay City Police Station nibutyag nga si Parajes nagsugod sa pagpamaligya og shabu niadtong buwan sa Oktubre niining tuiga.

Atol sa buy bust operation nga ilang gipahigayon nasakmit sa kapolisan gikan sa suspetsado ang lima ka gramong shabu nga nikantidad tanan ngadto sa P34 mil.

Giingong si Parajes makabaligya og 25 gramos nga shabu matag semana diin giingong ang tinubdan niini gihinganlan og “Pungkol”.

Sa laing bahin, usa ka 37-anyos nga suspetsadong durugista ang nasikop usab sa buy bust operation sa kapolisan sa Presinto 2 sa  Lapu-Lapu City Police Office niadtong Miyerkules sa gabii diha sa Barangay Mactan, Dakbayan sa Lapu-Lapu.

Si Police Lieutenant Dinnes Catag-Catag sa Presinto 2 niila sa suspetsado nga si Romjohn Ranjo, lumad nga taga Siyudad sa Carcar.

Nasakmit sa kapolisan gikan sa suspetsado ang usa ka paketeng shabu nga nikantidad ngadto sa P8,600.

Laing nadakpan mao si Sonny Morante, 42 anyos, taga Barangay Casili, Lungsod sa Consolacion diin nakuhaan usab og shabu nga nagkantidad P8,000. — Romeo D. Marantal, Gabriel C. Bonjoc ug Romeo T. Limpangog/BDB (BANAT NEWS)

SHABU

Philstar
  • Latest
Latest
Latest
abtest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with