Asawa ug kabit naaktohan sa bana ug mga polis nga nagdulog

CEBU, Philippines — Nabalhog sa prisohan ang usa ka asawa uban sa kabit niini human sila nasakpi sa bana sa babaye nga nagdulog.

Ang nahisgutang bana nitaho kini ngadto sa kapolisan aron mangayo og tabang  kabahin sa giingong ang asawa niini ug ang kabit naaktohan nga naghilawas diha sulod sa usa ka apartment sa Lungsod sa Dalaguete niadtong adlaw’ng Domingo.

Ang asawa nagpanuigon og 43-anyos, taga Lungsod sa Alcoy ug ang kabet nagpanuigon og 49-anyos, taga Lungsod sa Argao.

Giingong dihang niabot ang mga polis ug bana sa babaye diha sa apartment ang maong asawa ug kabet nakugang kini ug wala matiwas ang ilang panagdulog. Ang duha gidakop kini ug gidala diha sa Dalaguete Police Station ug gikatakdang pasakaan og tukmang kaso sa nahimo nilang kalapasan. (BANATNEWS)