^

Banat Balita

MCPO gipaubos sa full alert sa pagsaulog sa pasko ug bag-ong tuig

Romeo T. Limpangog - Banat

CEBU, Philippines — Ang kapolisan sa Mandaue Police Station mopahigayon og higpit nga pagbantay sa pagmentinar sa kahapsay ug kalinaw niining panahon sa pagsaulog sa pasko ug bag-ong tuig.

Si Police Lieutenant Colonel Franc Rudolf OLriol, deputy director for operation sa MCPO nagkanayon nga nunot sa pag-isa sa full alert status mopahigayon sila og higpit nga pagbantay diha sa mga dapit nga daghan ang mga tawo nga magtapok.

Matud ni Oriol nga atol sa Misa de Gallo adunay mga polis nga idestino diha sa nagkadaiyang simbahan sa siyudad.

Lakip usab nga bantayan ang mga mall sa siyudad diin gialoman nga modagsa ang mga tawo nga mosulod sa mga mall.

Higpit usab nga bantayan ang vital installations nga naglakip sa Marcelo Fernan Bridge ug Mactan-Mandaue Bridge.

Samtang sa Dakbayan sa Talisay, gibalik sa opisyales sa Barangay Tanke ang pagpahigayon og checkpoint diha sa ilang barangay uban ang kapolisan.

Atol sa pagpahigayon og balik sa checkpoint adunay nasikop nga giingong nipalit og ilegal nga drugas diha sa ilang lugar.

Si Konsehal Teofilo Daitol, chairman sa peace and order sa maong barangay nipadayag nga nisanong siya sa paghangyo sa kapolisan kalabot sa pagpahigayon og checkpoint human sa nahitabong pagpamusil patay sa usa ka residente sa ilang lugar.

Sa laing bahin, si Mandaue City Fire Marshal Arnel Abella niawhag sa katawhan nga mag-amping kanunay.

Matud ni Abella nga niining pagsaulog sa pasko kinahanglang magbantay kanunay diin kadtong adunay mga gipahimutang nga Christmas decors ug Christmas lights.

Ang Christmas lights angaya’ng susihon ang connections lakip na ang appliances tungod kay mao kini kasagaran nga hinungdan sa sunog. —Gabriel C. Bonjoc, Rowena D. Capistrano (BANATNEWS)

MCPO

Philstar
  • Latest
Latest
Latest
abtest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with