^

Banat Balita

P15 milyones illegal drugs nasakmit

Decemay Padilla - Banat

CEBU, Philippines —  Moabot sa kapin P15 milyones nga balor sa illegal nga drugas ang nasakmit sa kapulisan sa Cebu City Police Office, Cebu Police Provincial Office ug Mandaue City Police Office sa ilahang tagsa-tagsa ka anti-illegal drugs operations gikan sa November 28 handtod sa December 5, 2022.

Ang Cebu City Police Office(CCPO) napahigayon og 48 ka anti-illegal drug operations nga miresulta sa pagkasikop sa 58 ka personalidad ug nakakompiskar sila og 1,705 gramos sa shabu nga mobalor og P11,594,00.

Nakasikop sab ang Cebu Police Provincial Office(CPPO) og 80 ka indibidwal ug nakuha ang 122.39 grams sa shabu nga mokantidad og  P832,252.

Moabot sa 189 ka tawo ang nadakpan sa CCPO ug CPPO sa ilang anti-illegal gambling samtang sa loosefirearms 15 ka tawo ang ilahang nadakpan ug 89 ka armas ang nakompiskar ug 14 ka explosives ang na-recover ug nakapahigayon sila og 6,570 ka Oplan Katok.

Ang CCPO nakapahigayon og 167 manhunt operations nga miresulta sa pagkasikop sa 10 Most Wanted Persons ug 24 other wanted persons; ang CPPO sa ilang bahin gawas sa usa ka Most Wanted Persons nga dunay reward nga nadakpan nila nasikop sab nila ang laing 14 ka most wanted persons ug 88 other wanted persons.

Gipatuman sab sa Cebu City Police Office ug Cebu Police Provincial Office ang city ug municipal ordinances.

Sa Mandaue City, P3.6 milyones kapin nga kantidad sa ginadili nga drugas nga nasakmit sa mga tinugyanan sa Mandaue City Police Office sa ilang buybust operations gikan Nobiyembre 28 ngadto sa Disyembre 4, 2022.

Sa kampanya batok  illegal drugs niabot ngadto sa 59 ka mga tawo ang nasikop diin 57 niini ang street level individuals ug duha ang high value individuals.

Samtang 14 usab ka mga operasyon ang gihimo ug nasikop ang 14 ka mga most wanted persons, usa niini naa sa top 1 MWP station level.

May kalabutan sa illegal nga sugal, nakasikop sila ug 23 ka mga tawo gikan sa ilang 17 ka operations diin nakasakmit sila ug dul-an sa 3mil nga kwarta.

Matud pa ni Police Lt. Col Frank Rudolf Oriol, tigpamaba sa MCPO, ug kasamtangan nga deputy city director for operations padayon ang ilang gihimo karon nga pagpahugot sa ilang kampanya batok sa mga illegal nga kalihukan diha sa ilang siyudad ug ilabi na usab nagkaduol na ang holiday season.—  Rowena D. Capistrano/IBM (BANAT NEWS

CEBU CITY

Philstar
  • Latest
Latest
Latest
abtest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with