^

Banat Balita

Garcia mopasiugda og kompetisyon sa desinyo ug master plan sa cottages

Le Phyllis F. Antojado-Orillaneda - Banat

CEBU, Philippines —  Gihangop ni Cordova Mayor Cesar “Didoy” Suan ang plano ni Gobernador Gwendolyn Garcia nga mopahigayon og kompetisyon alang sa pagdesinyo ug paghimo og master plan sa itukod og balik nga cottages sa coastal waters sa lungsod.

Si Suan nibisita diha sa buhatan ni Garcia niadtong Disyembre 5, 2022 uban sa industrial designer nga si Kenneth Cobonpue, Architect Buck Sia ug ubang mga opisyal alang sa plano nga pagpalambo og balik sa lugar diin gitukod ang mga floating ug fixed cottages sa Lungsod sa Cordova.

Si Garcia nagkanayon nga mohimo sila og guidelines alang sa maogn kompetisyon diin ang makadaog nga desinyo ug master plan maoy ipatuman diha sa 33 ka ektarya nga coastal area sa Cordova.

“I am going to form this group that will lay down the guidelines because we are going to launch a competition for the design and total master plan of the 33 hectares of fixed and floating cottages that will now have effective and functioning water and solid waste management”, matud ni Garcia.

Niadotng buwan sa Agosto niining tuiga si Garcia nimando sa pagpaguba sa mga floating ug fixed cottages diha sa kadagatan sa lungsod gumikan kay nakatampo kini sa kahugaw sa tubig sa dagat diin taas ang level sa coliform bacteria.

Matud ni Garcia nga ang rehabilitasyon sa maong lugar kinahanglang magsugod sa “blank page” ug kinahanglan usab ang pag-develop sa nahisgutang lugar isip tourist attraction ug masiguro nga mosunod sa environmental laws.

“We cannot just come up with a design nga walay inputs from the experts sa environment, even you know. If you look at the Maldives, tan-awon nimo ng Bahamas, nganong makahimo man sila ana? Pero naa sila’y waste water treatment and solid waste treatment, so how to do it, let’s start with Cordova”, dugang ni Garcia. (BANAT NEWS)

CESAR “DIDOY” SUAN

Philstar
  • Latest
Latest
Latest
abtest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with