Diwa sa Pasko nagpatigbabaw tali ni Rama ug Osmeña
CEBU, Philippines — Nipatigbabaw ang diwa sa pasko dihang sila si Cebu City Mayor Michael Rama ug kanhi mayor Tomas Osmeña nagbinayloay og mensahe ug nagkumustahay sa usa’g –usa diha sa Christmas party sa mga bata sa Punta Princesa nga ilang gitambongan sa niaging adlaw.
Matud ni Rama nga wala niya kini damha apan usa kini ka butang nga iyang gipaabot.
“Naay Christmas party sa mga bata. When I arrived didto sa Punta Princesa, si Margot nag-estorya, then I was told by my staff “naa si Tommy Osmeña diha!” Ingon ko what’s wrong? I end up seated with Tommy”, matud ni Rama.
Dihang gitawag si Rama aron mohatag og pamulong, matud niya nga gusto unta niya nga mohimo usab og speech si Osmeña apan nibalibad kini.
Wala na mo detalye si Rama kong nagkaestorya ba usab sila si Margot atol sa hamubo nga panag-abot apan matud sa mayor nga walay luna alang kaniya ang pagdinumtanay.
Gipildi ni Rama si Margot pagka-mayor sa siyudad sa niaging piniliay.
Si Margot asawa kinsa asawa ni Tomas nisang-at og election protest sa kadaogan ni Rama ug anaa pa kini sa Comelec en banc alang sa resolusyon.
“What is there to be quarreling?, What is there to be keeping bitterness and vengeance?”, ni Rama pa.
Si Rama nagkanayon nga ang importante mao ang pagpuyo og kabilin ug sa makadaghang higayon iyang gihisgotan ug gipasidunggan si Tomas. “We don’t own this world…One day each of us will be out..What is important is LAL…leaving a legacy”, dugang ni Rama. - Caecent No-ot Magsumbol/BDB
- Latest
