Polis nga miulang sa nag-away mao hinuoy gipusil
CEBU, Philippines — Gikondenar ni Police Regional Office(PRO)-7 Brigadier General Roderick Augustus Alba ang pagpusil sa usa ka polis nga nadestino sa San Remigio Municipal Police Station nga igo rang miuwang sa na- away diha sa Purok Tambis, Barangay Lawis sa maong lungsod niadtong adlaw’ng Domingo, Disyembre 4.
Si Police Staff Sergeant Jade Carabuena, 38, gipusil sa likod sa ulo ug sa pagkutlo ning maong balita giingong wala pa gihapon kini makamata diha sa tambalanan.
Matud ni Alba gikan pa sa iyahang trabaho si Carabuena dihang gipangayoan og tabang sa silingan kay dunay nag-away. Apan siya naman hinuo gipahimungtan ug maoy gipusil.
Gimandoan ni Alba ang pangulo sa Regional Investigation Division Management Unit (RIDMU) Col. Arniel Agustin Catarata nga paspasan ang imbestigasyon sa nahitabo kang Carabuena.
“We salute, grabeng saludo namin kay Staff Sergeant Carabuena for offering his life to his job as police officer. Our directive is to be more vigilant ‘yung ating mga kasamahan sa PNP, on and off the office, we have to be 10 steps ahead pag magreresponde tayo, wag magpadalos-dalos, we should always presume and assume there’s always a threat to our lives,” matud ni Alba.
Samtang si Police Col. Rommel Ochave, Provincial Director sa Cebu Police Provincial Office (CPPO) nakig-alayon na sa pamilya ni Carabuena ug gimandoan ang hepe sa San Remigio Municipal Police nga si Major Wendell Abellana nga pangitaon ang nagpusil sa biktima. (BANATNEWS)
- Latest