^

Banat Balita

Pagdeklarar og heritage district gisugyot atol sa 1st Cebu City Summit

Romeo T. Limpangog - Banat

CEBU, Philippines — Mitumaw na usab ang mga pagtuki kabahin sa pagdeklarar isip heritage district sa siyudad sa Sugbo sa mga lugar diha sa San Nicolas Proper ug sa mga naglibot nga mga barangay.

Atol sa bag-o lang natapos nga 1st Cebu City Summit ang mga partisipante nanghinaut nga maumol na sa dili madugay ang usa ka ordinansa nga nagduso alang sa pagdeklarar og heritage district sa San Nicolas ug isip heritage site.

Ang mga area nga tinguha nila nga maapil sa heritage district naglakip sa lima ka barangay nga mao ang Pahina San Nicolas, Sawang Calero, Pasil, Suba, ug San Nicolas Proper segun sa tahu sa Cebu City PIO. Ang nahisgutang mga barangay sa kasamtangan maoy nahimutangan sa pipila ka heritage resources sama sa “tartanillas,” dried fish ug ubang local delicacies alang sa pasalubong diha sa Taboan Market, tunghaan alang sa national martial art of Arnis, ingon man ang selebrasyon sa Kaplag Festival.

Si Architect Jessica Banaag mituki kabahin sa kasaysayan sa San Nicolas District ingon man ang significance niini isip heritage area. “Several historical accounts point out that San Nicolas is one of the oldest, if not the oldest town in the Philippines,” suma pa ni Banaag.

Ang imahen sa batang Hesus ang nadiskubrihan diha sa San Nicolas niadtong April 27, 1565.

Kini nahitabo 40 ka tuig human si Ferdinand Magellan napukan diha sa Mactan atol sa pag-abot sa Spanish explorer nga si Miguel Lopez de Legaspi.

Ang maong panghitabo gisaulog sa Archdiocesan Shrine of San Nicolas de Tolentino matag tuig pinaagi sa Kaplag Festival.

“Rajah Humabon and Queen Juana, who were the first Filipinos to be baptized by the Spaniards, were natives of San Nicolas,” dugang pa ni Banaag.Gikan sa The Freeman/MEL

Mga seniors sa Mandaue modawat na og ayuda sunod semana

Makadawat na ang mga senior citizen sa Siyudad sa Mandaue sa ikaduhang hugna sa ilang pinansiyal nga ayuda nga nagkantidad og P4,000 nga maoy katunga sa P8,000 nga pinansiyal nga ayuda sa kagamhanan matag tuig. Si Konsehal Jimmy Lumapas nga maoy chairman sa Committee on Social Services sa konseho sa Siyudad sa Mandaue miingon nga magsugod ang pag-apod-apod sa maong pinansiyal nga ayuda sa Disyembre 12 hangtud sa Disyembre 14, 2022.

Matud pa ni Lumapas nga sama gihapon sa unang pagpanghatag og pinansiyal nga ayuda sa mga senior citizen nga didto gipahigayon sa matag barangay gym.

Samtang ang ayuda sa mga bedriden senior citizen ilang himoon sa CSWS pinaagi sa paghatod niini sa ilang tagsa-tgsa ka mga panimalay apan kadtong nagbaton og cash card sa Land Bank ipaagi kini sa ATM.

Si Office of the Senior Citizen Affairs (OSCA) Head  Diosdado “Daddy”  Suico miingon nga kadtong mapakyas sa pagdawat  sa maong mga petsa nga gitakda mahimo silang makakuha niini sa Disyembre  15  hangtud sa 18  apan adto na sa City Treasurers Office.

Naglakip sa mga rekisito nga dad-on sa mga senior citizen mao ang government identification card nga giluwatan sa usa ka buhatan sa gobyerno sama sa GSIS ID, driver‘s license, SSS ID ug uban pa. (BANATNEWS)

SUGBO

Philstar
  • Latest
Latest
Latest
abtest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with