^

Banat Balita

Libreng treatment plant, relokasyon gitanyag

Caecent No-ot Magsumbol - Banat

CEBU, Philippines — Usa ka pribadong kompanya ang misaad nga motukod og libreng sewage treatment plant ug ingon man relokasyon alang sa mga maapektahan unya nga mga residente sa nagpadayong pagpanghawan sa 3-meter easement zone sa mga sapa sa siyudad.

Ang Cebu City Disaster Risk Reduction Management Council chairman kinsa maoy river commander sa Bulacao River, nga si Atty. Gerry Carillo mibutyag niini pinaagi sa City’s PIO.

Si Carillo miingon nga dunay grupo nga miduol sa siyduad ug mitanyag pagtabang aron buhion og balik ang mga namatay na niining mga sapa.

“Naay niduol namo, group ni sila nga ni-offer nga mag-construct of STP near the Bulacao River aron limpyo na ang tubig nga mogawas padulong sa bukana sa sapa,” matud pang Carillo.

Ang STP usa ka matang sa wastewater treatment nga diin ang hugaw nga tubig salaon aron malimpyo gikan sa kontaminasyon ug luwas nga ilabay sa sapa ug dili na makadaot sa kinaiyahan, mahimo sab nga iproseso pagbalik ang tubig aron kini magamit pagbalik.

Matud pa nga ang maong grupo mipasalig nga motabang alang sa relokasyon o lugar nga kabalhinan sa mga residenteng maapektahan sa pagpanghawan sa mga kilid sa sapa sa Bulacao river.

Ang gipasabot sa maong grupo medium-rise building nga matud pang Carillo libre kini.

“Nindot kaayo ni…kay this will be at no cost to the City Government as everything will be financed by them…This will be a big help kay not only nga we are able to save funds, but the group will handle everything, especially with the relocation sa mga residents, it is a win-win for all of us,” matud pang Carillo.

Wala pa hinuon itug-an ni Carillo ang pangalan sa grupo sanglit nagproseso pa sila sa mga permits ug nagpinalisar sa ilang proposal nga ilang ipresentar sa konseho.

 “This proposal gives us hope that we can revive our rivers and contribute to the environment as well,” dugang pang Carillo. (BANATNEWS)

TREATMENT PLANT

Philstar
  • Latest
Latest
Latest
abtest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with