PSA: Ekonomiya sa Probinsiya sa Sugbo nilambo sa 2021
CEBU, Philippines — Nihinay-hinay na og lambo ang ekonomiya sa Probinsiya sa Sugbo sa tuig 2021 base kini sa pinakaulahi nga report sa Philippine Statistics Authority (PSA).
Matud sa PSA nga nisaka og 5.4 porsyento ang growth rate sa ekonomiya sa Pilipinas sa niaging tuig nakabawi gikan sa 8.2 porsyento nga pagkunhod niadtong tuig 2020 dihang anaa pa sa peak sa COVID-19 pandemic.
“In 2021, the Gross Provincial Domestic Product (GPDP) of the province is valued at PhP 369.7 billion, higher by PhP 18.8 billion from the GPDP level of PhP 350.9 billion in 2020”, base sa post diha sa official website sa PSA.
Matud sa PSA nga nakatampo sa 2021 nga GPDP growth mao ang professional ug business services, wholesale ug retail trade, repair sa motor vehicles ug motorcycles ug agriculture, forestry ug fishing.
Adunay pagsaka sa growth rate sa economic industries sama sa agriculture, forestry ug fishing nga 8.2 porsyento, industry 1.0 porsyento ug services 7.2 porsyento.
Ang PSA naestablisar kini pinaagi sa Akta Republika numbero 10625 kun “The Philippine Statistical Act of 2013” nga ang tahas mao ang pag-ipon ug mentinar sa macro-economic accounts ug indicators sa national ug subnational level. (/BDB) (BANAT NEWS)
- Latest
