^

Banat Balita

Pasko sa V. Rama gilusad

Sanden J. Anadia - Banat

CEBU, Philippines — Pormal na nga gibuksan kagahapon ,Disyembre 1, 2022  ang mga kalingawan sa Dakbayan sa Sugbo nga dunay kalabotan sa kasaulogan sa Pasko .

Gitambongan ni Mayor Michael Rama ang paglusad sa "Pasko sa V. Rama" nga gisugdan pinaagi sa usa ka parada.

Suma pa sa presidente sa Rotary Club of Cebu-Guadalupe ug project direktor sa Pasko sa V. Rama 2022  nga si Dr. Ester Concha, ang maong kalihokan kay maglangkob sa kompetisyon sa pag-mugna og Parol ug Belen.

Gisalmotan ang maong programa sa   tulo ka mga barangay nga naglangkob sa San Nicolas, Calamba ug Guadalupe.

Si Rama maoy unang nagmugna niini niadtong tuig 1992 nga mao ang Pasko sa Osmeña Boulevard nga wala modugay.

Pagtungtungtong og  1995 ,  nisulbong dayon ang Pasko sa V. Rama kun diin ang area niini kay susama  sa pahigayonan sa tinuig nga Buhing Kalbaryo.

Gimandoan na niya ang Cebu City Transportation Office (CCTO) ug Prevention, Restoration, Order, Beautification and Enhancement (Probe) team alang sa pagseguro nga walay makababag sa mga sidewalk sa V. Rama.

Pagahimoon usab ang subsob nga pag-roving sa kapolisan aron dili makawat ang mga dekorasyon .

Tinguha ni Rama nga magpabilin ang kasadya  sa V. Rama  pinaagi sa masaksihan nga nagkadaiyang dayan-dayan daplin sa maong dalan lakip  na  ang  mga panimalay  sa maong  lugar.

Apan siya miawhag sa mga molupyo sa maong karsada nga motampo sa pagpanindot sa lugar pinaagi sa pagbutang og ilang mga dayan-dayan sa Pasko.

Gibuksan usab kagabii ang Pasko sa Kabatan-onan sa Sugbo diha sa Fuente Osmeña kun diin gihimo usab ang tinuig nga pagpasiga sa higanteng Christmas Tree. Gawas sa Fuente, gipasigaan usab ang Paskohanon nga mga dayan-dayan diha sa Plaza Independencia ug Plaza sa Sugbo. —/IBM (BANAT NEWS)

PASKO

Philstar
  • Latest
Latest
Latest
abtest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with