P3 bilyones ang nakolekta sa BOC-7 sa buwan sa Nobiyembre
CEBU, Philippines — Moabot ngadto sa P3.43 bilyones ang nakuha nga koleksyon sa Bureau of Customs Port of Cebu sa bulan sa Nobiyembre karong tuiga nga mas dako kun itandi sa ilang koleksyon sa susamang period sa tuig 2021 ug nilapas pud sa annual target sa ahensya sa tuig 2022.
Sumala sa Bureau of Customs Port of Cebu sa ilang official social media site nga sa bulan sa Nobiyembre moabot sa Php3,431,930,967.53. Sobra kini og P171 million o 5.25% sa target sa bulan.
“This month’s collection also reflects a growth of Php613 Million or 21.76% compared to the revenues collected for the same period last year,” matud pa sa Port of Cebu.
Ang maong buhatan nakasustiner sa collection performance niini sulod na sa 11 ka bulan ug gipaabot nga sa dili pa matapos ang tuig maka-deliver kini og P4 billion nga surplus sa nasudnong panudlanan.
Si BOC District Collector Elvira Cruz miingon nga bisan og dako na ilang koleksyon dili sila mobahar sa ilang gihimo aron makakuha og sobra-sobra ang gobiyerno ug masaligon kini nga makuha nila kini karong buwana.
Ang BOC usa ka attached agency sa Department of Finance nga ang tahas mao ang pag assess ug pagkolekta sa mga customs revenues, pag facilitate sa trade ingon man pagpakgang sa smuggling. —/IBM (BANAT NEWS)
- Latest