Kaso sa pagpangabuso sa kababayen-an misaka

CEBU, Philippines — Nisaka ang kaso sa pagpangabuso sa kababayen-an sa Dakbayan sa Talisay sa dihang gilugakan na ang restriksyon sa kwarantinas.

Kini maoy naobserbahan sa City Social Welfare and Development (CSWD).

Si Lowella Vestil, social welfare officer 2 niingon nga atol sa pandemya menos gyud ang kaso sa pagpanagmal sa mga babaye.

Tungod kini kay gipili lang sa kababayen-an nga ihilom ang ilang nasinati ug siguroon ang pagkaon alang sa pamilya.

Sa tuig 2020, nakatala lang sila og 15 ka kaso samtang sa tuig 2021 nakatala sila og 32  ka kaso ug karong tuiga nakatala sila og tulo ka kaso gikan sa Enero hangtud sa Hunyo.

Matud pa ni mayor Gerald Anthony “Samsam” Gullas nga sa pagsugod sa 18 ka adlaw nga kampanya sa Violence Against Women, ilang himug-atan ang kampanya nga himuon na sud sa tibuok tuig.

Ang kalihukan gitambongan sa mga tinugyanan sa GAD focal sa nagkadaiyang barangay kinsa mao sab ang motabang sa kababayen-an nga gipang abuso sa ilang mga bana. (BANATNEWS)