Nasunogan sa Mandaue nakadawat og tabang sa Probinsiya sa Sugbo
CEBU, Philippines — Giapud-aporan sa Probinsya sa Sugbo og hinabang ang mga biktima sa sunog sa sitio Paradise, Barangay Looc sa siyudad sa Mandaue.
Ang paghatag sa hinabang gihimo didto sa karaan nga North Bus Terminal sa siyudad sa Mandaue niadtong Nobiyembre 26.
Matud sa Provincial Social Welfare and Development Office (PSWDO) moabot sa 700 ka packs sa lima ka kilo sa bugas, canned goods, tubig ug plastic water gallons ang gihatag ngadto sa mga biktima sa sunog.
Nakadawat pud ang mga residente og hygiene kits nga adunay tuwalya, sabon, sanitary napkins, mga toothbrush, toothpaste ug shampoo. Apil pud ang health kits sama sa alcohol, face mask ug ascorbic acid.
Sa nasayran dili momenus 600 ka pamilya napabakwit human gilamoy sa kalayo ang ilang mga panimalay niadtong Nobiyembre 22.
Samtang dili momenus 2, 500 ka indibidwal ang anaa karon gipabakwit sa Central School sa Mandaue ug sa Looc Gym. (BANATNEWS)
- Latest
