^

Banat Balita

Universal Health Care Program gilusad sa DOH diha sa Mandaue

Romeo T. Limpangog - Banat

CEBU, Philippines — Gilusad niadtong miaging adlaw sa Department of Health (DOH) ug mga opisyal sa kagamhanan sa Siyudad sa Mandaue ang Universal Health Care program niini.

Natigayon ang maong paglusad nunot usab sa pagpili sa DOH sa Siyudad sa Mandaue isip usa sa mga integration site sa maong programa.

Si Mayor Jonas Cortes nga maoy nangulo sa mga opisyal sa siyudad mipadayag og kahinangop ug nanglantaw sa dakong kahigayonan sa mga Mandauehanon nga makapahimulos sa mga programa nga may kalambigitan sa serbisyo sa panglawas.

Nasayran adunay 71 ka mga integration site ang Universal Health Care lukop nasud nga naglakip na niini ang Siyudad sa Mandaue.

Gikalipay ni Mayor Cortes ang maong kalamboan tungod kay alang kaniya makiangayon lamang nga hatagan og pagtagad ang kahimsog sa katawhan.

Nunot niini iyang gipasalig ang hugot nga pagsuporta sa maong programa sa DOH nga Universal Health Care program sa nasudnong kagamhanan.

Samtang sa laing bahin nakadawat og daghang pasidungog ang Talisay City Health Office atol sa gipahigayong 2022 Local Health Systems Awards nga gipasiugdahan sa Department of Health (DOH-7).

Si mayor Gerald Anthony “Samsam” Gullas nipadayag sa iyang kalipay sa nadawat nga kalampusan sa maong buhatan nga pinangulohan ni Dr. Lino Alanzado.

Iyang gipahalipayan ang mga doktor sa Rural Health Unit (RHU), tanang sakop sa RHU ug ang kagamahanan sa Talisay.

Awardee sab ang Talisay sa 1st Regional Action and Community Engagement (RACE) batok sa HIV.

Pinakataas sila sa PLHIV Retention ug nakadawat og special award si Dr. Rey Cesar Bautista, kinsa doktor sa RHU nunot sa ilang paningkamot ug maayong implementasyon sa Aftercare Program nga niluwas sa mga tawo nga mogamit og drugas.

“My sincere thanks and appreciation to our City of Talisay Health Personnel headed by Dr. Lino Alanzado for their genuine efforts to serve the Talisaynons by giving them access to good quality health care services,” asoy pa ni Gullas.

Dugang pa ni Gullas nga usa sa mga serbisyo sa Aksyon Agad ang panglawas nga naila karon pinaagi sa paningkamot sa taga City Health Office. —Gabriel C. Bonjoc (BANATNEWS)

DOH

Philstar
  • Latest
Latest
Latest
abtest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with