^

Banat Balita

Cimatu: Political will makahawan sa sapa

Sanden J. Anadia - Banat

CEBU, Philippines —  Moabot ngadto sa 51 ka establisamento ang gikatahong demolisonon gumikan sa kalapasan  three-meter easement sa kasapaan sa dakbayan sa Sugbu kansang estraktura giingong nakabara sa dagan sa tubig nga moresulta sa pagawas niini padung sa kadalanan.

Pipila sa maong establisamento naa mahimutang sa Estero de Parian,  ug Mahiga River  sa Dakbayan sa Sugbo. Suma pa nga ang maong establisamento kay naglangkob sa mall,  restaurant , hotel ug uban pa.

Atol sa tigom sa Task Force Gubat sa Baha sa niaging adlaw , nihatag na og go signal si kanhi  environment Secretary Roy Cimatu ngadto sa  river commanders sa  Estero Pari-an ug  Mahiga river alang sa pag-isyu og notisya.

“Let us serve na the notices to these establishments so that we can move forward na,” matud pa niya.

Sa taho sa Cebu City Public Information giingong sugdan karong adlawa (Nobyembre 28) ang pag-isyu sa mga notisya.

Hatagan og 10 ka adlaw ang mga establisamentong nanagiya sa mga estraktura nga gub-on ang ilang bahin sa building nga nakalapas sa  gilatid nga easement.

“Although this might be a challenge, with the mayor’s political will and our mission to reclaim and recover our rivers, I’m positive that we can accomplish this,” nagkanayon si Cimatu.

Magpatabang usab ang siyudad sa  Department of Environment and Natural Resources alang sa pag-umol og slope survey sa pito ka  major rivers sa dakbayan.

Kahinumduman nga sa niaging semana, dunay duha ka dakong establisento ang gihatagan na usab og 10 ka adlaw  ultimatum sa  Task Force Gubat sa Baha gumikan sa paglapas niini sa  three-meter easement sa Lahug-Kamputhaw River.

Ang maong mga establisamento kay naglangkob sa hotel ug sikat nga karaang kan-anan sa dakbayan. (BANAT NEWS)

MOABOT

Philstar
  • Latest
Latest
Latest
abtest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with