Restaurant, hotel gihatdag notisya sa TF Gubat sa Baha
CEBU, Philippines — Human sa pila ka bulang pagkadelatar gidawat sa mga tagdumala sa duha ka dagkong establisamento nga nahimutang sa General Maxilum Avenue sa Cebu City ang notices of violation bahin sa ilegal nilang gitukod estraktura nga nakaali sa natural nga agianan sa tubig ug nalapas ang three-meter easement nga gimando sa balaod.
Mismo si kanhi Environment Secretary ug karong Cebu City Task Force Gubat sa Baha chief Roy Cimatu ang nangulo sa paghatag sa mga notisya sa tagiya sa maong mga establisamento kagahapon sa hapon.
Ang paghatud ni Cimatu sa mga notisya gihimo human sa gihimo nilang tigum kauban ang mga kadagkoan sa TF Gubat sa Baha. Kauban ni Cimatu sa paghatud ang river commander nga nadestino sa Lahug-Kamputhaw river nga si Joey Baclayon.
Ang maong mga establisamento mao ang White Knight Hotel (kanhi Mango Hotel) u gang karaang Light House Restaurant mao ang ilang gihatdan sa maong mga notisya.
Matud pa dugay ng gipahibalo ang maong mga establisamento bahin sa ilang mga kalapasan apan hangtud kagahapon wala pa silay gihimo pagkorihir niini.
Ang Special Assistant ni Mayor Michael Rama nga si Ramil Ayuman mitug-an sa The Freeman/Banat News nga ang notisya gipirmahan sa mayor. Niadto lang Huwebes gihatud kini ngadto sa mga establisamento apan ang gwardiya nga nagbantay wala modawat niini tungod walay mando nga gihatag iyang mga amo pagdawat niini.
Human nahatag ang notisya, gimarkahan nilang Cimatu ug Baclayon ang lugar nga bungkagon. Ang maapektahan mao ang parking are sa maong hotel ingon man atubangang bahin sa maong restaurant.
“Okay naman yung dalawang establishments...They were cooperative and willing naman sila...We already have an understanding na ‘yung mga requirements eko-comply nila,” ni Cimatu pa.—Gikan sa The Freeman/IBM (BANAT NEWS)
- Latest