^

Banat Balita

Kaso sa HIV/AIDS sa Cebu City midaghan

Sanden J. Anadia - Banat

CEBU, Philippines — Gihangyo ni Cebu City South District Councilor Rey Gealon ang Cebu City Health Department nga mohatag og dugang report sa   tinuod nga sitwasyon sa HIV/AIDS sa dakbayan .

Gikutlo ni Gealon ang taho gikan sa usa ka nasudnong mantalaan  nga nag-ingon nga ang Central Visayas adunay 8,407 ka bag-ong na-diagnosed sa human immunodeficiency virus (HIV) nga mga kaso sa Mayo 2022 diin kapin sa katunga niini gikan sa Cebu City nga 4,993.

Sa  datos sa Department of Health nga gi-post sa ilang website nagpakita nga niadtong Septiyembre 2022, aduna nay kinatibuk-an nga 8,661 ka kaso  ang Central Visayas  giingong nalakip na kini sa datos gikan niadtong 1984.

Ang Central Visayas adunay usa sa mga nag-unang lima ka rehiyon nga adunay mga kaso sa HIV sa nasud, apan ang taho wala magtino kung diin gikan sa partikular nga mga lungsod/munisipyo ang maong mga kaso.

Karong tuiga pa lang, ang Central Visayas adunay 745 ka mga kaso nga natala lakip na ang 75 ka mga bag-ong natala niadtong Septiyembre.

Sa tanang kaso nga natala, ang Central Visayas nakabsan na og 491 ka kinabuhi tungod sa HIV sukad niadtong 1984, diin 30 niini ang natala niadtong Septiyembre.

Gisulatan ni Gealon ang CHD pinaagi sa officer in-charge niini nga si  Dr. Daisy Villa aron masuta ang  detalyadong taho sa gidaghanon sa mga indibidwal nga bag-ong na-diagnose  nga adunay HIV ug AIDS karong bulan sa Nobyembre ug usa ka pagtandi sa miaging duha ka tuig.

Gipangutana usab ni Gealon ang nasangpit nga departamento kung unsa nga “legislative measures” ang mahimo niyang buhaton aron matabangan ang CHD niining butanga ug uban pang mga concerns.

“This representation would also like to inquire as to what legislative measures I can undertake to aid your department. Looking forward to your earnest reply,” nagkanayon si Gealon. Nasayran nga  saulogon ang World AIDS Day karong  Disyembre 1 ug nagmalaumon ang Kagamahanan nga suportahan sa katawhan ang kampanya batok sa maong sakit.

Uban sa tabang sa Universal Health Care Act ug sa AIDS Law(RA11166), tanang Filipino kay adunay patas nga access sa HIV free services lakip na ang testing, treatment, ug uban pa. —/IBM (BANAT NEWS)

AIDS

HIV

Philstar
  • Latest
Latest
Latest
abtest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with