Bag-ong pangulo sa PRO-7 milingkod na
CEBU, Philippines — Gitudlo ni PNP Chief Police General Rodolfo Azurin Jr. si Police Brigadier General Roderick Augustus Alba isip bag-ong Region Director sa Police Regional Office -7 atol sa pagbunok sa uwan kagahapon sa hapon.
Si Alba kinsa miyembro sa Philippine National Police Academy "Tagapagpatupad" class of 1992 mihulip kang Police Brigadier General Roque Eduardo Vega kinsa miretiro na kagahapong adlawa, Huwebes, Oktubre 13, 2022.
Si Alba kanhi pangulo sa PNP Public Information Office sulod sa usa ka tuig.
Nadestino sab kini kaniadto isip Deputy Chief sa PNP Information Technology Management Service (ITMS), Officer-in-Charge sa Negros Occidental Police Provincial Office (NOCPPO), Provincial director sa Iloilo Police Provincial Office (IPPO), Chief, Regional Operations and Plans Division of Police Regional Office 6, ug ubang command, staff ug training assignments isip senior PNP officer.
"I am confident that Central Visayas is in good hands with General Alba at the helm. His competence, commitment and work ethics bespeak his leadership approach, and, so, I entrust him to lead the 11,420 strong personnel of Police Regional Office 7," asoy ni PNP Chief Azurin.
Kagahapong adlawa gipahigayon ang turnover sa command ceremony sa Camp Sergio Osmeña Boulevard, siyudad sa Sugbo diin mismo si Chief PNP Azurin ang nangulo sa kalihukan.— IBM (BANATNEWS)
- Latest
