^

Banat Balita

Namuyo sa VisCom Lots dili angay mabalaka

Decemay P. Padilla, Le Phyllis F. Antojado - Banat

CEBU, Philippines — Nagpasalamat ang Visayas Command sa gitanyag nga luna sa Cebu Provincial Government diha sa Lungsod sa Tuburan, amihanang bahin sa Sugbo nga mabalhinan sa ilang kampo.

Kini human nga giuli sa Department of National Defense(DND) ug Armed of Forces of the Philippines ang 16 ka parcels sa gi-donate nga luna ngadto sa Lalawigan sa Sugbo diin gipahigayon ang turnover ceremony niadtong Lunes ug mismo si DND Officer-in-Charge Secretary Jose Faustino Jr. ang mitunol ug gidawat ni Governor Gwendolyn Garcia.

Ang tigpamaba sa Visayas Command Major Israel Golorio miingon ang luna nga gitanyag sa Provincial Government ilahang gitugyan sa DND sanglit sila ang nagpatuman sa authority, direction ug control mahitungod military affairs diin apil na ang pag-establisar og military installation.

Giklaro ni Galorio nga wala pay finality sa maong hisgutanan apan gipasalig nila nga motuman sila sa polisiya ug direktiba nga ipagawas sa DND mahitungod niini.

“Base on the offer made of our Governor they will allocate funds for the establishment nung military facility natin. We welcome the offer and we are very thankful,” sigon ni Galorio.

Mahitungod sab luna nga pwede tukuran sa military base sa Viscom diha sa Bohol nga gitanyag sa Provincial Government didto, si Galorio miasoy nga wala pay desisyon bahin niini ug nagpaabot sila kung unsa may mamahimong desisyon sa DND.

Apan bisan sa posibilidad nga kausaban sa ilahang kampo gipasalig sa Visayas Command nga dili maapektohan ang ilang serbisyo sa katawhan.

“Definitely not, rest assured that VisCom will sustain our efforts, we will sustain our gains dito sa Visayas, we will sustain our internal operations na meron tayo in order to ensure yung safety and security ng ating mga kababayan dito sa region,” pagklaro ni Galorio.

 

Di angay mabalaka

Sa pikas bahin, giklaro ni Garcia nga wala pay plano sa mga luna nga nakuha gikan sa VisCom human nahibaw-an sa gobernador nga ang pipila niini nga naa nahimutang sa Brgy. Apas ang gipuy-an na og mga tawo.

Wala mobutyag si Garcia kun unsay iyang plano sa mga luna.

“Rest assured my decision will always be to the benefit of the Cebuanos. More revenues for the Province so that I can translate this to more infrastructure and services for the Cebuanos without disposing our hard earned assets kay can you imagine how many years has this taken from 2007 unya karon palang 2022,” matud ni Garcia.

Si Garcia niawhag sa mga okupante diha sa nahisgotang luna sa barangay Apas nga dili dayon magpataka og yawyaw.

“..ang ako lang ikasulti, hilom lang sa mo diha, ayaw og daghang kyawkyaw. Ngano gud ato unhan og daghang mga estorya nga di mao, uninformed uneducated and way out of line. There’s always a win-win solution kung magtarong lang ta’g estorya. So my position is I will honor the MOU which takes into account the existence of these occupants,” sumala sa gobernador.

Niadtong 2007 ang Kapitolyo ug ang Department of Defense ubos sa pagdumala sa kanhi kalihim niini nga si Gilberto Teodoro Jr. nilagda og memorandum of understanding (MOU) kon diin gisaysay nga ang CentCom mo turnover sa 16 ka luna bugti nga ang kapitolyo mohatag og pundo sa CentCom alang sa pag replicate sa military facility niini sa laing lokasyon.

Sa maong MOU matod ni Garcia nakapirma sab niini ang taga Housing and Urban Development Coordinating Council (HUDCC) nga kaniadto nihimo na og inventory kun pila gyud ang okupante sa provincial-owned lots sa Barangay Apas.

“I think they have association so they were recognized in fact proving that they were recognized, HUDCC was also a signatory of the MOU…” matud ni Garcia

Sa mga wala maapil sa inventory matud ni Garcia “ayaw ko ninyo i-antagonize kay mas maayo ng mag-ayo ta og estorya kaysa magpa victim card mo diha,” matud ni Garcia. — /IBM (BANAT NEWS)

DND

Philstar
  • Latest
Latest
Latest
abtest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with