^

Banat Balita

Nakabangga patay sa maestra nasikop sa kapolisan

Romeo D. Marantal - Banat

CEBU, Philippines — Nasikop sa kapolisan sa Lungsod sa Minglanilla ang suspek sa pagbangga patay sa usa ka maestra ug niangol sa bana niini niadtong Martes sa hapon diha sa Barangay Tunghaan sa maong lungsod.

Ang namatay mao si Charisma Servado, 48, magtutudlo sa elementarya  sa central school samtang ang bana niini nga naangol mao si Sherwin Baulita Servado, 45, mga residente sa Barangay Tungkil sa maong lungsod.

Ang suspetsado mao si Luigie Go Lazarte, 25, taga Barangay Cabatbatan, Lungsod sa San Fernando.

Base sa imbestigasyon sa kapolisan nga ang mga biktima nagbiyahe kini paingon sa amihanan sakay sa ilang motorsiklo diha sa nasudnong karsada sa Barangay Tunghaan kinsa si Sherwin maoy nagmaneho.

Samtang ang suspetsado nagbiyahe paingon sa habagatan nagmaneho sa Rusi nga motorsiklo.

Si Police Major Arieza Otida, hepe sa kapolisan sa Minglanilla nagkanayon nga niadtong higayona ang magtutudlo gikan sa eskwelahan nitambong sa kalihokan sa teacher’s day ug paingon usab unta kining mangaon ug ang iyang bana sa usa ka kan-anan diha sa lugar nga nahitaboan.

Giingong ni-signal ang bana nga mo left turn apan ang nagmaneho ang suspetsado giingong wala nanumbaling sa ilang signal ug nilahos kini og bangga kanila. Ang mga biktima nalagpot diha sa karsada ug daling gidala diha sa duol nga tambalanan apan tungod sa ka kusog sa impact sa bangga nakabsan sa kinabuhi ang magtutudlo.

Human sa maong hitabo ang suspetsado dali kining nisibat pahilayo sa lugar.Ang kapolisan sa lungsod nakig-alayong sa Land Transportation Office-7 hinungdan nga natultolan nila ang tag-iya sa motorsiklo kinsa amahan sa suspetsado.

Ang amahan sa suspetsado maoy nitudlo sa mga polis sa gipuy-an niini.

Sa laing bahin, usa ka tinun-an sa kinder sa Mambaling Elementary School kinsa adunay sakit sa kasing-kasing ang nakadawat og wheel chair atol sa pagsaulog sa teacher’s day. Ang mga magtutudlo sa maong eskwelahan pinangulohan sa ilang principal nga si Lilia Ramirez ang nag-amotay aron makapalit sa maong wheel chair. —Gabriel C. Bonjoc, Rowena D. Capistrano/BDB (BANATNEWS)

ARRESTED

Philstar
  • Latest
Latest
Latest
abtest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with