POI sa nagpusil sa managsuon gisubay na

CEBU, Philippines — Aduna nay person of  interest kun POI ang kapolisan sa Presinto 4 sa  Lapu-Lapu City Police  sa nahitabong pagpamusil sa managsuon niadtong Martes sa gabii diha sa eskina sa Kagudoy sa Barangay Basak sa Siyudad sa Lapu-Lapu.

Nasayran nga namatay ang usa sa mga biktima sulod sa tambalanan.

Si Police Major Aibert Jay Samson, hepe sa Presinto 4 sa LCPO miingon nga base sa ilang nahipos nga kasayuran gituohan nga personal grudge ang usa sa mga hinungdan sa maong pagpamusil ug nagpadayon pa sila sa paghipos og dugang impormasyon.

Sa nasayran ang managsuon nga mga biktima mao sila si Abinamub Abdul, 29 anyos ung Garam  Abdul, 26 anyos ang nagsakay sa motorsiklo dihang kalit lang gipamusil sa riding in tandem sa ilang paghidangat sa eskina Kagudoy atubangan sa Mactan Doctor Hospital sa Barangay Basak sa Siyudad sa Lapu-Lapu.

Dali nga misibat pahilayo ang mga mamumuno samtang ang mga biktima dali nga gidala sa Mactan Doctors Hospital.

Apan ang magulang nga si Abinamub Abdul namatay sa tambalanan nonot sa iyang naangkon nga grabeng samad pinusilan. —MEL (BANATNEWS)