50 ka trainees gipaubos sa random drug testing sa CLOSAP
CEBU, Philippines — Dili mominos sa 50 ka mga trainees sa Manpower and Human Development Training Center ang nipaubos sa mandatory random drug testing, nga gipangulohan sa City of Lapu-lapu Office for Substance Abuse Prevention kon CLOSAP. Kini aron pagsiguro nga wala sila malambigit sa paggamit sa illegal nga drugas ug drug free ang ilang trabahoan.
Ang Center nagpahigayon ug NCII training sa Dressmaking, Electronics ug plumbing kauban ang TESDA alang sa mga registered ug kwalipikado nga constituent sa siyudad.
Nangulo sa maong mandatory random drug test mao ang pangulo sa CLOSAP nga si Garry Lao. Matud pa sa pangulo sa Manpower and Human Development Maricon Sevilla, gihimo ang maong drug test aron sa pagsiguro nga ang ilang trainees drug free sa dili pa sila irekomendar para sa maong assessment. —MEL (BANAT NEWS)
- Latest